بهارندی دوارته سوزبی باغ

لرا یه وصل مرن ماس و دوراغ

نگارم تا که دسی دا ا دسم

وبیدم یدفینه می تنی داغ

توسوش خردنی هه ماس و بالنگ

پیا دیمی بخو تا زی وبه دنگ

اگه درف پتیشت خاس بلیسه

بپا نتکه ته او حینه گلو پنگ

صبا ظوری مه دا ما شلشلو هه

سه زیر تووه ما خارِ کُلو هه

ته خونه ای که پیلداراشه سگ هه

بدو وادو جونم مامم گلو هه

ابسکی عاجزی بیدم ا گرما

سر بو دوش خوسیدم مه ری تا

پتوم وردا و نمدونس پوهیزن

دم صب خنجری کردم ا سرما

عجب ماسی ته شهر هه روسی روسی

بخو دیم یه خرمی خوب و خوصی

ا ایسه تا که ماسا خوب و ارزون

دگه هرشو مه هسی شله موسی

نه زشتن بلبل دسی ا سی ظهر

ا دیم روغن خش ای وبو چور

اومایم داغ لر مهلی نو واپخ

ایسه دیتم وبیده همونی گور

پریگ رهتم ا سی آغا پریدر

ته ره چن تاشه میکه دیم یی جر

یکیش میگو که خوبن گوشت گا میش

یکیش میگو که بزن گوشت تیشتر

پریگ رهتم ته ملی گود بقال

ته ره یه مرتبه اوری که یه مال

امه بارون تند دمب اسبی

گتم کشکی یه بو مروی همی سال

او روزایه که میمبوزیمه یه یوک

چقد حالمو خشی بی کیف مه هم کوک

امی بی و یه توری مه میبوزی

دم دار کِلی بیدیم و یه یوک

صب زی زی ا سی تش روشه کرده

ته پستو دسمم بو سی مشاکه

اته دسم امه یه چی درازی

ورم دا و زدم یه هو براکه